Тараздық ерікті жастар көшеге шығып қоғамдық жұмысшы әйелдерді мерекелерімен құттықтап, гүл сыйлады.
Сондай-ақ белсенді жастар көлік жүргізуші қыз-келіншектерді де гүл құшағына бөледі.
– Бұл шара арқылы біз – ардақты ана, аяулы әпкелерімізге құрмет көрсеткіміз келді. Әсіресе қоғамдық жұмыстарда жүрген нәзік жандыларға мерекелік көңіл-күй сыйлауға тырыстық. Жоспарымызды жүзеге асыруға атсалысқан барлық тараздық жастарға алғыс айтамын, - дейді Тараз қалалық «Жастар ресурстық орталығы» директорының міндетін атқарушы Абзал Есіркепов.
Өз кезегінде гүл құшағына оранған аналар жастарға деген шексіз разылықтарын жеткізді.
Саятхан Сатылған,
Жамбыл облысы
