Polisia.kz-тің дерегінше, «Қауіпсіз жолға» 10 мыңға жуық полицей жұмылдырылды.
Республикалық маңызы бар, облыстық, аудандық маңызы бар автожолдарда және қалалар мен елдімекендерде барлығы 3 мыңға жуық автопатруль жұмылдырылды.
Бір күн ішінде жол қозғалысын қадағалау кезінде 13 мыңнан астам жол қозғалысы ережелерін бұзу дерегі анықталды.
Оның ішінде, көлік құралын мас күйінде басқарғаны үшін – 98, басқару құқығынсыз – 35,
- басқару құқығынан айырылғаны үшін – 7,
- жылдамдықты асырғаны үшін – 3626,
- қарсы жолаққа шығу – 16,
- маневр жасау қағидаларын бұзғаны үшін – 651,
- авариялық жағдай туындатқаны үшін – 107,
- жаяу жүргіншілерге қозғалыста артықшылық бермегені үшін – 263, бағдаршамның тыйым салу сигналына жол жүру – 171.
Қауіпсіздік белдіктерін пайдалану ережесін бұзу – 1280,
- телефонды пайдалану ережесін бұзу – 702,
- көлік құралын мемлекеттік техникалық байқаусыз басқару – 516,
- жалған мемлекеттік нөмірмен жүру – 112,
- жаяу жүргіншілердің жол қозғалысы ережелерін бұзу – 1851,
- еңбек және демалыс режимінің ережелерін бұзу – 4,
- заңсыз қайта жабдықтау – 124,
- рейс алдындағы техникалық байқаудан өтпегендер – 8.
Петропавлда патрульдік полиция батальонының қызметкерлері Toyota Land cruіser автокөлігін тоқтатты. Тексеру барысында жүргізушінің бұрын көлік құралдарын басқару құқығынан айырылғаны анықталды. Жүргізушіге қатысты әкімшілік хаттама жасалды.