Динара Шүкіжанованың орнына Respublica партиясынан Мәжіліс депутаты кім болатыны белгілі болды, – деп хабарлайды Aikyn.kz.
Respublica партиясының елордалық кеңсесінде партияның Орталық кеңесінің 5-ші отырысы өтті. Өткен жылғы жұмыстың қорытындылары қаралып, ағымдағы кезеңге жоспарлар белгіленді.
Respublica партиясы Орталық кеңесінің қаулысымен Айтуар Қошмамбетов ҚР Парламенті Мәжілісі депутаты ретінде ұсынылды. Тиісті шешім ҚР Орталық сайлау комиссиясына жолданды.
Бұған дейін Айтуар Қошмамбетов Алматы қаласындағы партия филиалының төрағасы қызметін атқарған.
1986 жылы 29 қарашада дүниеге келген. Халықаралық құқық маманы (әл-Фараби атындағы Қазақ ұлттық университетінде «Халықаралық құқық», бакалавриат), Құқықтану (Экономика және құқық академиясын «Құқықтану» мамандығы бойынша, магистратура). Прокуратура органдарында жұмыс істеді, Алматы қаласының кәсіпкерлер палатасын басқарды.
Айта кетейік, 2024 жылғы 24 қаңтарда ҚР Парламенті Мәжілісінің Respublica партиясынан бұрынғы депутаты Динара Шүкіжанова өз өтінішімен депутаттық өкілеттігін мерзімінен бұрын аяқтаған болатын.