Құрылыс Абай облысының 2023-2027 жылдарға арналған әлеуметтік-экономикалық дамуының кешенді жоспары шеңберінде іске асырылуда.
Семей қаласының әкімі Нұрбол Нұрсағатов атап өткендей, көпфункционалды орталық заманауи құрал-жабдықтармен толықтырылып, мектеп оқушыларының қосымша білім алуға деген сұранысын қамтамасыз ете алады.
– Мемлекет басшысының тапсырмасы бойынша Абай облысында оқушыларға арналған көпфункционалды орталық салынуда. Орталық 6 функционалды аймаққа бөлінеді, олардың әрқайсысында заманауи технологиялар қолданылады. Семейде Балалар мен жастардың шығармашылық сарайы бұрыннан бар, ол біріншіден қаланың оң жағалауында орналасқан, екіншіден, қазіргі заманғы материалдық-техникалық базасы жоқ. Жаңа орталықта робототехника кабинеттері, спорт секциялары орналасады, - деп атап өтті Нұрбол Нұрсағатов.
Сондай-ақ, қала әкімі құрылысты аяқтау келесі жылға жоспарланып отырғанын айтты.
– Орталыққа кіреберістерді қалалық қызметтермен пысықтаймыз. Мұнда кіру, автотұрақ, сондай-ақ жаяу жүргіншілерге арналған екі көпір өткелі болады. Балалардың қауіпсіздігі толығымен қамтамасыз етіледі. Қала әкімдігі осы жобаларға жобалық-сметалық құжаттама әзірлеуде, - деп қорытындылады қала әкімі.
Орталықта ұсынылатын бағыттар:
• ғылыми-техникалық (нейроробототехника, астрономия, бағдарламалау кабинеттерімен);
• әр түрлі шығармашылық студиялары бар көркемдік және эстетикалық бағыт;
• спорттық-сауықтыру ( үлкен және кіші бассейндері, шығыс жекпе-жек залдары, фитнес-залдары).
Гуманитарлық, психологиялық бағыттарға сенсорлық бөлме мен сөйлеуді дамыту кабинеті, тарихи-өлкетану Co-working кітапханамен және басқа секциялар кіреді.