"Қазгидромет" РМК Қазақстан аймақтарында 2024 жылғы 14 наурызда болатын қауіпті метеорологиялық құбылыстарға болжау консультациясын жариялады, – деп хабарлайды Aikyn.kz.
Елдің басым бөлігінде атмосфералық фронтальды бөлімдердің өтуімен ауа райының тұрақсыз сипаты сақталады, солтүстікте, шығыста, орталықта қар жауады, оңтүстікте, оңтүстік-шығыста жаңбыр мен қар түрінде жауын-шашын болады, Түркістан, Жамбыл, оңтүстікте таулы аудандарда, Алматы облыстарының таулы аудандарында қатты жауын-шашын күтіледі.
Тек Қазақстанның батысында антициклонның әсерінен жауын-шашынсыз ауа райы сақталады. Қазақстан бойынша тұман, желдің күшеюі, солтүстікте, шығыста, орталықта жаяу бұрқасын, оңтүстікте, орталықта көктайғақ күтіледі. Күндіз Маңғыстау облысының оңтүстігінде, батысында, шығысында шаңды дауыл болады.