Бұл шараға облыстық мәслихаттың депутаттары да қатысып, ем алушылар мен оқушылардың ыстық тамақпен қамтамасыз ету сапасын бақылады. Депутаттар аудандағы жұмысын аудандық аурухананың асханасымен танысудан бастады. Бүгінде 120 адам ем алып жатқан ауруханада екі аспаз бен екі көмекшісі науқастарға үш мезгіл ыстық тамақ береді екен. Мұнда қажетті азық-түлік мемлекеттік сатып алу арқылы жүзеге асырылады.
Сондай-ақ депутаттар аудан орталығындағы Ә.Бөкейханов атындағы №15, Д.Қонаев атындағы №19, Ш.Мұртаза атындағы №1 мектеп-гимназияларының асханаларын да назардан тыс қалдырмады. Бұл білім нысандарына күнделікті азық-түлік пен нан өнімдерін «Аманжолов» жеке кәсіпкерлігі жеткізеді. Ол үшін асханалардың барлығы дерлік қажетті тоңазытқыштармен қамтамасыз етілген. Депутаттар оқушылардың тамақтануына алаңдарлық негіз жоқ деген қорытынды жасады.