Дзюдодан Әбу-Дабиде өтіп жатқан әлем чемпионатында Қазақстан ерлер құрамасы жүлдесіз қалды, – деп хабарлады Aikyn.kz.
Ұлттық олимпиадалық комитеттің мәліметінше, бүгін татамиге шыққан спортшыларымыздың барлығы да жеңіліс тапты.
100 келіге дейінгі салмақта бақ сынаған Нұрлыхан Шархан даниялық Дэниел Эйчке есе жіберді.
+100 келі салмақтағы Ерасыл Қажыбаев бахрейндік Азамат Чотчаевтан ұтылды.
+78 келідегі Камила Берліқаш екінші айналымда қытайлық спортшыға жол берді.
Осылайша, Қазақстан құрамасы дзюдодан әлем біріншілігін 1 қола медальмен аяқтап отыр. 48 келідегі Әбиба Әбужақынова ғана жүлдеге ілікті.
Қалған спортшыларымыз түгел жеңіліп қалды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.