Ұлттық банк төрағасы базалық мөлшерлемені 12 процентке өсіргенін Үкімет отырысында мәлімдеді.
Ұлттық банк төрағасы Ерболат Досаев: «9 наурызда Мемлекет басшысының тапсырмасымен үкімет пен Ұлттық банк әлемдік мұнай нарығындағы ахуал және макроэкономикалық тұрақтылықты қамтамасыз ету шаралары туралы бірлескен үндеу жасады», – деді.
«Сыртқы сектордағы қауіптің жоғарылауы жағдайында баға тұрақтылығын сақтап, теңгенің айырбастау бағамын қорғау қажет. Сондықтан Ұлттық банк кезектен тыс отырыста базалық мөлшерлемені биылғы 10 наурыздан бастап +/- 1,5 проценттік пунктпен 12 процентке дейін өсіруге шешім қабылдады», – деді ол.
Ол базалық мөлшерлеменің өсуі қаржылық тұрақтылықты сақтауға ықпал етеді деп түсіндірді.
