Биыл Ақтөбе облысы Байғанин ауданында «AMANAT» партиясының Жол картасы бойынша 47 іс-шара жүргізіліп, «Ауыл аманаты» жобасы аясында 55 жоба іске асырылуда.
Партияның Ақтөбе облыстық филиалы төрағасы Ербол Данағұлов, облыстық мәслихаттың фракия мүшесі Естай Сисенбаевпен бірге Байғанин ауданында барып, атқарылып жатқан жұмыстармен танысты.
Байғанин ауданына қарасты Қарауылкелді ауылында екі қабатты коммунал-дық тұрғын үйлердің құрылысын «АймарСтройСервис» ЖШС былтыр мамырда бастаған болатын. Құрылыс материалдарының қымбаттауына байланысты жобалық-сметалық құжаттамасына өзгеріс енгізілген. Түзетулерге сәйкес өткен айда қажетті қаражат бөлініп, құрылыс жұмыстары қайтадан қарқын алған. Құрылысты осы жылдың тамыз айының соңында толық аяқтау көзделіп отыр. Байғанин ауданында Жол картасы бойынша биыл 47 іс-шара жүзеге асырылу үстінде. Сонымен қатар ауданда «Ауыл аманаты» жобасы қарқынды түрде жүріп жатқан көрінеді. Тіпті, мемлекеттен шағын несие алып ісін дөңгелетіп отырғандар бар. Солардың бірі – ауыл тұрғыны Манаргүл Мұқанова. Манаргүл былтыр жартылай фабрикаттар өндірісі бойынша мемлекеттен 6 900 000 теңге көлемінде жеңілдетілген несие алған. Қазір аудан орталығынан «Айша» тұшпараханасын ашып, кәсібін дөңгелетіп отыр. Бүгінде кәсіпкер өзінен бөлек, ауылда 3 адамды жұмыспен қамтыған.
Берік БЕК