Reuters-тің хабарлауынша, коронавирусқа байланысты Италия түрмелерінде қақтығыс болып жатыр, – деп жазады Tengrinews.kz.
Дереккөздің жазуынша, түрмедегілерге жақындарымен кездесуге тыйым салынған соң, сотталушылар наразылық білдіре бастаған.
Сондай-ақ, Италияның бірнеше қаласындағы түрмелерде де жаппай тәртіпсіздік болып жатқаны айтылады. Сотталушылар түрмеден қашып кетпекші болған.
Осылайша, олар коронавирустың жаңа түрінің таралуына байланысты амнистия қабылдауын сұрайды.
Басылымның мәліметінше, наразылық шаралары кезінде 7 адам қаза тауып, 18 адам жарақат алған.
Айта кетейік, Италияда жергілікті билік коронавирустың өршуіне байланысты тұрғындарға көшеге, қоғамдық орындарға шықпауға кеңес беріп отыр.
