Елорда қала күніне орайластырылған Астананың дамуы туралы БАҚ пен әлеуметтік желілердегі үздік жарияланымдар, репортаждар, сюжеттер байқауының жеңімпаздары марапатталды, – деп хабарлайды Aikyn.kz сайты елорда әкімдігінің ресми сайтына сілтеме жасап.
БАҚ өкілдері бірінші орын үшін 1 млн теңге, екінші орын үшін 500 мың теңге, үшінші орын үшін 300 мың теңге ақшалай сыйлықтармен марапатталды. 100 жұмыстың ішінен қазылар алқасы үздік 24 материалды таңдады.
Жеңімпаздарды марапаттауға қала әкімінің орынбасары Есет Байкен, ҚР Президентінің баспасөз хатшысы Берік Уәли және іс-шараның басқа да құрметті қонақтары қатысты.
«Біздің журналистер ылғи алдыңғы шепте жұмыс істейді. Сонымен, ШЫҰ саммиті кезінде көптеген елдерден келген 700 журналист арасында 200 қазақстандық журналист халыққа осы саммиттен тікелей ақпарат таратты», – деп атап өтті Берік Уәли.
Номинация бойынша жеңімпаздарды белгілі журналистерден, медиа-сарапшылардан және елорданың құрметті өкілдері арасынан құралған конкурстық комиссия анықтады.
Номинация бойынша жеңімпаздар:
«Үздік журналист-талдаушы» – баспа БАҚ-тағы елорда туралы талдамалық материалдар: үшінші орын – Раиса Ағыбаева, Астана ардагерлер кеңесінің медиа тобы; екінші орын – Сәндібек Піренов, «Егемен Қазақстан»; бірінші орын – Марина Демченко, «Казахстанская правда».
«Үздік шолушы» – елорданың әлеуметтік-экономикалық дамуы туралы интернет-басылымдардағы материал. Үшінші орын – Зарина Кеңесова, «Elorda Aqparat» ЖШС, «Elorda.Info» желілік басылымы; екінші орын – Иван Сухоруков, «TengriNews»; бірінші орын – Алтынбек Мерсадық, «Aikyn.kz».
«Үздік радио репортаж». Үшінші орын – Бекнұр Нұрмағанбет, «Астана радиосы»; екінші орын – Мейрамгүл Мәдәлі, «Orda FM»; бірінші орын – Жанболат Шәкім, «Қазақ радиосы».
«Үздік телесюжет». Үшінші орын – Самал Қабышева,«Қазақстан ұлттық телеарнасы»; екінші орын – Айсәуле Байғазина, «Atameken Bussines»; бірінші орын – Мөлдір Молдағалиева,«24.kz».
«Үздік мобилограф». Үшінші орын – Ерасыл Қалтай; екінші орын – Бақтияр Жақижанов, «Mangystau Service Company» ЖШС; бірінші орын – Риат Шони, «24.kz».
«Үздік фоторепортаж». Үшінші орын – Лаура Исабекова мен Аманжол Мықтыбай, «Informburo»; екінші орын – Гүлнәр Ерманова, «Baigenews.kz»; бірінші орын – Ғани Өмірбек, «ҚР ПІБ Қазақстан Республикасы Президентінің телерадиокешені» ШЖҚ РМК.
«Астананың 25 жылдығы туралы үздік материал». Үшінші орын – Алина Шашкина, «TengriNews»; екінші орын – Лаура Түсіпбекова, «Казахстанская правда»; бірінші орын – Марлан Жиымбаев, «ҚазАқпарат».
«Астана мәслихаты туралы үздік материал» номинациясы бойынша үшінші орын – «Литер» газеті Миргүл Жылқышинова; екінші орын – Айнұр Шошаева, «Халық үні» сайты; бірінші орын – «Вечерняя Астана» газетінің шеф-редакторы Айгүл Бейсембинова.
Байқауды Астана қаласы әкімдігінің қолдауымен Елорданың коммуникациялар қызметі ұйымдастырды. Астана қаласының коммуникациялар қызметінің басшысы Абзал Досыманның айтуынша, биыл БАҚ өкілдері арасындағы байқау дәстүрлі жеті номинацияға Астана қаласы мәслихатының 30 жылдығы туралы сегізінші номинация қосылды.
