Астана қаласының маңында орналасқан Қоянды ауылының тұрғындарын алаңдататын шешімді Ақмола облысының прокурорлары қолға алды, – деп хабарлайды Aikyn.kz.
Бас прокуратура баспасөз қызметінің мәліметінше, бұған дейін Қоянды ауылының тұрғындары Астана, Көкшетау қалаларына, соның ішінде мүлікке құқықтарды ресімдеуге байланысты құжаттарды алу үшін баруға мәжбүр болғаны белгілі, бұл халыққа қызмет көрсету орталықтарының қашықтығына байланысты азаматтардың наразылығын тудырған.
– Кей жағдайларда бұл жылжымайтын мүлікке құқықтардың ұзақ уақыт тіркелмеуіне себеп болды, бұл соңғы су тасқыны кезінде апаттан келтірілген залал үшін өтемақы алу кезінде мәселе туындатты.
Мысалы, 2 000-ға жуық үйде әлі күнге дейін құқық белгілейтін құжаттар жоқ.
Осыған байланысты, Бас прокурор Берік Асыловтың нұсқауы бойынша Ақмола облысының прокуратурасы ведомствоаралық жұмыс тобын құрды, ол халықпен бірнеше рет кездескеннен кейін ауылдың өзінде қажетті мемлекеттік қызметтерді көрсету бойынша бірінші кезектегі міндет белгіленді.
Ол үшін облыс прокуратурасы облыс әкімдігімен бірлесіп, Қоянды ауылының №2 жалпы білім беретін мектебіне «Бір терезе» қағидаты бойынша мемлекеттік қызметтер көрсету үшін, оның ішінде азаматтардың жылжымайтын мүлікке құқықтарын жедел тіркеу үшін «Азаматтарға арналған үкімет» КЕАҚ қызметкерлері уақытша орналастырылды, – делінген хабарламада.
Ақмола облысының прокуроры Руфат Құттықовтың айтуынша, ауыл тұрғындарының мемлекеттік қызметтерге қолжетімділігін қамтамасыз ету Қоянды ауылындағы жағдайды тұрақтандыруға және олардың өз құқықтарын толық іске асыруға алып келеді.
Облыс прокуроры атап өткендей, қазір олар Ақмола облысының аудан орталықтары мен шалғай ауылдарына барады, олардың нәтижелері бойынша азаматтарды толғандыратын проблемалар анықталып, оларды шешу бойынша пәрменді шаралар қабылдануда. Қоянды ауылында шешілетін мәселе – осындай жағдайлардың бірі.
– Әрине, азаматтардың кейбір тілектерін орындауға біраз уақыт кетеді, бірақ біз оларды тезірек шешу үшін бар күшімізді саламыз, – деп түйіндеді облыс прокуроры.