Алматы қаласының Алатау ауданында үш жасар бала терезеден құлап, қайтыс болды, – деп хабарлайды Aikyn.kz Massaget.kz-ке сілтеме жасап.
Редакция оқырмандарының мәліметінше, қайғылы оқиға Райымбек даңғылының бойындағы Ақкент шағын ауданында болған. Бала ата-анасынан бұрын оянып, олар ұйықтап жатқанда жетінші қабаттағы терезеден құлап, мерт болған.
Алматы қаласы Алатау ауданының Полиция басқармасы аталған оқиғаға қатысты қылмыстық іс қозғады. Істің мән-жайы анықталып жатыр.
Осы ретте ТЖМ қазақстандықтарды балаларды қараусыз қалдырмауға және терезелерге арнайы қорғаныс механизмдерін орнатуға шақырады.
Сондай-ақ, ТЖМ москит торлары құлаудан қорғамайтынын да еске салады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.