WhatsApp мессенджерінде Мәдениет және ақпарат министрі Аида Балаеваның атынан жалған ақпарат тарап жатыр, – деп хабарлайды Aikyn.kz.
Бұл туралы Мәдениет және ақпарат министрлігінің баспасөз қызметі мәлімдеді.
– ҚР Мәдениет және ақпарат министрлігі Мәдениет және ақпарат министрі Аида Балаеваның атынан WhatsApp мессенджерінде жалған ақпарат тарағанын хабарлайды. Бұл ақпарат шындыққа жанаспайды және осы арна арқылы таратылатын хабарламалар тікелей министрден емес екенін ескертеміз. Министрлік азаматтарды абай болуға және алаяқтардың арандатуына ермеуге шақырады, – делінген министрлік таратқан хабарламада.