Атыраудағы үйден шыққан өртке қатысы бар ер адам қашып бара жатқан жерінен ұсталды, – деп хабарлайды Aikyn.kz "Мой ГОРОД"-қа сілтеме жасап.
Оқиға 25 сәуірде болған. Атырау облысы Индер ауданында бесқабатты тұрғын үйдің екінші қабатында өрт шығып, 10 және 7 жасар екі баланың мәйіті табылды. Олардың анасы мен 30 жастағы ер адам ауруханаға жеткізілді. Денесінің 95 пайызын күйік шалған әйел ауруханада қайтыс болды.
Полицейлер оқиға орнынан өртке арналған сұйықтық тауып алған. Күдікті 31 жастағы ер адамның сұйықтықты жақын маңдағы жанармай құю бекетінен алғаны видеоға түсіп қалған. Ол марқұм әйелдің танысы болып шықты. Күдікті Оралға бара жатқан жерінен ұсталды. Ер адам уақытша ұстау изоляторына қамалды.
Шілдеде тергеу аяқталып, іс сотқа жіберілді. Істі Атырау облысының мамандандырылған ауданаралық қылмыстық соты қарап жатыр.
Күдікті психикалық ауытқуы бар немесе ішімдік пен нашақорлыққа тәуелді адам болуы мүмкін.
Қазіргі таңда іс бойынша куәгерлерден жауап алынып жатыр.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.