2 қыркүйекте 102 арнасына Семей тұрғыны үш күн бұрын үйден белгісіз жерге кетіп, оралмаған 12 жасар ұлын іздеуге көмек сұрап жүгінді, – деп хабарлайды Aikyn.kz.
ІІМ баспасөз қызметінің мәліметінше, бала бұрын бірнеше рет кетіп қалған екен, бірақ қайтып оралып отырған. Сол күні сағат 21.11-де 102-арнасына әже жүгініп, ол сонымен бірге сағат 18.30-да аулаға ойнауға кеткен 7 жасар немересінің қайтып оралмағанын хабарлайды.
Балаларды іздеуге полицияның кешенді күштері жіберілді. Полицейлер еріктілермен, мұғалімдермен және бейқам қалмаған азаматтармен бірге тұрғылықты жеріне жақын жерлерді қарайды.
Іздеуге барлығы 12 топ жіберілді, сонымен қатар полицияның кешенді күштерінің сыртқы нарядтарынан 170 адам бағдарланды.
Іздеу күндіз-түні, соның ішінде қараусыз қалған ғимараттарда, ойын-сауық орындарында жүргізілді. Тәртіп сақшылары іздеу іс-шараларын жүргізу кезінде бейнебақылау камераларын қарады.
3 қыркүйекте кәмелетке толмағандарды жергілікті тұрғын балалар алаңындағы көпірдің астынан тауып, еріктілер мен полицияға ақпарат береді. Қазіргі уақытта балалар үйлеріне аман-есен оралды. Олармен түсіндіру жұмыстары жүргізілді, ересек бала мінез-құлқын түзету үшін ювеналды полицияның есебіне қойылады.
Тәртіп сақшылары ересектерден балаларына қырағы болуды сұрайды және мұндай фактілер туралы дереу хабарлауды ұсынады.
"Есіңізде болсын, сіз неғұрлым тез хабарласаңыз, жоғалған адамды табу мүмкіндігі соғұрлым жоғары болады", - деп еске салады тәртіп сақшылары.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.