Бүгін Қазақстан құрамасы UEFA Ұлттар лигасында Словенияға қарсы ойнайды, – деп хабарлайды Aikyn.kz Olympic.kz-ке сілтеме жасап.
Отандық футболшылар В лигасы үшінші тобында Норвегия, Словения және Австрия құрамаларымен сынға түседі.
Кездесу Астана уақытымен 23:45-те басталып, «Qazsport» телеарнасынан тікелей эфирде көрсетіледі.
Аталған ойында Жоау Пиньейру бас төреші міндетін атқарады.
Өз тарихында екі құрама 2024 жылғы Еуропа чемпионаты іріктеу кезеңінде кездесіп, екі ойында да қазақстандық футболшылар қарсыласына 1:2 есебімен жол берді.
Ұлттар лигасының алғашқы турында Қазақстан құрамасы Норвегиямен 0:0 есебімен тең түссе, Словения мен Австрия 1:1 есебіне қанағат білдірді.
Қазір бұл топтағы командалардың барлығында бір ұпайдан бар.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.