Біріккен Араб Әмірліктерінде аяқталған жасөспірімдер арасындағы Азия чемпионатының қорытындысы бойынша Қазақстан құрамасы жалпыкомандалық есепте көш бастады, – деп хабарлайды Aikyn.kz.
Ұлттық олимпиадалық комитеттің мәліметінше, қазақстандық боксшылар турнирде 15 алтын, 11 күміс және 15 қола медаль иеленіп, жалпы есепте бірінші орын алды.
Екінші орынға 14 алтын, 11 күміс және 8 қола иеленген Өзбекстан құрамасы орналасқан.
12 алтын, 13 күміс және 18 қола иеленген Үндістан құрамасы үздік үштікті түйіндеді.
Айта кетелік, Азия чемпионаты Біріккен Араб Әмірліктерінің Әл-Айн қаласында өтті.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.