Reuters агенттігі Alphabet компаниясы өзінің Waymo роботаксилеріне Hyundai Motor өнімдерін қосатынын жариялады. Мұндай қадамның себептерін Aikyn.kz осы материалға сүйеніп талдайды.
Waymo компаниясы енді роботакси паркіне мына Hyundai IONIQ 5 моделін де қосты. Фото cnet.com сайтынан алынды. Авторлығы: Hyundai Motor
Alphabet өзінің Waymo компаниясындағы роботакси паркін Hyundai электромобильдерімен кеңейтетінін мәлімдеген. Кеше (4 қазан) Waymo Америка Құрама Штаттарындағы қызметін кеңейтіп жатқандықтан, роботакси паркін толықтыратынын хабарлаған. Hyundai-дің Джорджиядағы зауытында жиналған және Waymo-ның автономды жүргізу технологиясымен жабдықталған IONIQ 5 жол талғамайтын көліктерінің сынағы 2025 жылдың соңына қарай басталатыны айтылды.
Бүгінде Waymo-ның 700-ге жуық көлік паркі бар және бұл компания АҚШ-та ақылы роботакси қызметін көрсететін жалғыз компания.
Hyundai-мен серіктестік Tesla-ға қарағанда бірнеше күн бұрын басталған. Жақын күндері Tesla-ның бас директор Илон Маск тапсырыс бойынша роботакси жасау жоспарын жарияламақшы. Маск оның компаниясы Tesla иелері көліктерін пайдаланбаған кезде оларды жалға беруге мүмкіндік беретін платформаны іске қосу жоспарларымен де бөліспекші.
Waymo көліктері қазірдің өзінде жолда қауіпсіз жүруге үйретілген. Фото therobotreport.com сайтынан алынды. Авторлығы: Waymo
Waymo қазір Үндістанның Tata Motors компаниясына тиесілі Jaguar Land Rover фирмасының I-PACE көліктерін пайдаланады. Сонымен қатар Waymo қытайлық Geely компаниясының электр көлігі бренді Zeekr электрлі көліктерінде өз технологиясын сынап жатыр.
Waymo өкілі Hyundai-мен серіктестік оның қазіргі көлік платформаларының ешқайсысын тікелей алмастырмайтынын айтады. Биыл Waymo өз қызметтерін Сан-Францискодағы барлық адамдарға ұсына бастады. Финикс метросындағы, Сан-Франциско түбегі мен Лос-Анджелестің кейбір аудандарындағы қызметтерін кеңейтті. Hyundai Motor компаниясының жаһандық бас операциялық директоры Хосе Муньос мәлімдемесінде:
«Біздің жаңа өндіріс орнымыздың командасы кеңеюін жалғастыра отырып, Waymo One паркіне көліктердің айтарлықтай санын беруге міндеттелді. Біз ынтымақтастық үшін қосымша мүмкіндіктерді белсенді түрде зерттеп жатырмыз», – деп айтылған.
Waymo көліктері қазірдің өзінде жолда қауіпсіз жүруге үйретілген:
Тұтынушылардың роботаксиге деген үлкен күмәніне, реттеуші органдардың қатаң талаптары мен тексерулеріне және көлікті жүргізушісіз басқару технологиясына қатысты федералды тергеулерге қарамастан, Alphabet биыл Waymo-ға 5 миллиард долларлық инвестиция салуды жоспарлаған.
Тамыз айында Waymo үш айдың ішінде ақылы сапарлар санын 2 есеге арттырып, аптасына 100 000-ға дейін жеткізіп, қызмет көрсету аймақтарын кеңейтіп, роботаксиді көбірек адамдарға пайдалануға мүмкіндік берген.
Waymo жетістіктері роботакси нарығындағы басқа өндірушілерді қатаң бәсекеге шақыруда. Басты талап – қауіпсіз роботакси жүйесін жасау және технологияны жетілдіріп, көпшілік тұрғындарға ұсыну.
Waymo роботаксилері туралы Aikyn.kz бұрын жариялаған мына материалдардан оқыңыз:
«Waymo: пилотсыз көліктер адамға қарағанда 200% қауіпсіз»
«Такси жолаушыларды тегін таситын болды»
«Рулі мен тежеуіші жоқ роботакси қорқынышты ма? (видео)»
Ал мына әзіл видео сенбілік көңіл күйіңізге қосымша драйв береді:
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.