Қазақстанда атом электр стансасын салу бойынша жалпыұлттық референдум басталды, – деп хабарлайды Aikyn.kz.
Республикалық референдумды ұйымдастыру мен өткiзу Референдумның орталық комиссиясы қызметін атқаратын ҚР Орталық сайлау комиссиясына, сондай-ақ референдумның аумақтық және учаскелiк комиссияларының қызметiн атқаратын аумақтық және учаскелiк сайлау комиссияларына жүктелген.
Республикалық референдум бюллетенінде бір ғана сауал болады: «Сіз Қазақстанда атом электр стансасын салуға келісесіз бе?».
Дауыс беруші жауаптың екі нұсқасының бірін таңдайды: «Иә, келісемін» немесе «Жоқ, келіспеймін».
Бюллетеньдер екі тілде: қазақ және орыс тілдерінде болады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.