Дастан Рысбеков Ұлытау облысының әкімі болып тағайындалды, – деп хабарлайды Aikyn.kz.
"Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымына тағайындалды", – делінген Ақорда хабарламасында.
Дастан Рыспеков 1984 жылы Жезқазған қаласында туған. Әл-Фараби атындағы Қазақ ұлттық университетін және ҚазМЗУ Алматы заң академиясын бітірген.
Еңбек жолын 2006 жылы Алматы қаласындағы Экономика және бюджетті жоспарлау департаментінің болжамдау және түсімдер бөлімінің бас маманы ретінде бастаған.
2007-2016 жылдары Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, Астана қаласы республикалық бюджеттің атқарылуын бақылау жөніндегі есеп комитетінде басшылық лауазымдарда жұмыс істеді.
2018-2019 жылдары – Павлодар облысы Кәсіпкерлік, сауда және туризм басқармасының басшысы, Павлодар қ..
2019 жылдың сәуір айынан бастап «Астана EXPO-2017» ҰК» АҚ Экономика және бюджетті жоспарлау департаментінің директоры қызметін атқарды.
2020 жылдың ақпан айынан бастап Мәдениет және спорт министрлігі Туризм индустриясы комитетінің төрағасы қызметін атқарды.
Сараптама, зерттеу мақала, күнделікті өзекті ақпаратты «Айқынның» Тelegram арнасынан таба аласыз.