Алматыда мас ер адам күндіз бір үйге кіріп, 11 жастағы қызды зорлаған, – деп хабарлайды Aikyn.kz КТК арнасына сілтеме жасап.
Жәбірленушінің анасының айтуынша, ол кезде өзі жұмыста, ал үлкен қызы мектепте болған. Екінші ауысымда оқитын кіші қызы үйде жалғыз қалған. Ер адам үйге кіріп, киімін шешіп, қызды тұншықтырып, зорлық көрсеткен. Ол оқиға болғаннан кейін қызға анасын өлтіремін деп қорқытып, ешкімге айтпауды талап еткен.
"Қызым маған қоңырау шалып, белгісіз ер адамның үйге кіргенін айтты. Ол аузын жауып, еденге құлатып, шешіндіріп, зорлық көрсетіпті. Соңында ешқандай реніш болмасын деп қолын сүйіп кеткен", – дейді анасы.
Әйелдің айтуынша, ол бұл ер адамды танымайды. Олар уақытша баспанаға екі апта бұрын көшіп келген. Әйел ажырасқан және екі қызымен бірге тұрады.
Ер адам қамауға алынды.
"Оның бөтен үйге есіктің ашық тұрғанын пайдаланып кіргені анықталды. Қыз үйде жалғыз болғандықтан, қарсылық көрсете алмаған", - деп хабарлады полиция.
Тергеу-оперативтік топ оқиға орнына барып, қажетті тергеу шараларын жүргізіп, дәлелдерді жинақтады және сараптамалар тағайындалды.
Күдікті жұмыссыз және тұрақты тұрғылықты мекенжайы жоқ, бірақ ішімдікке тәуелді екені анықталған.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.