Бұған дейін Дана Нұржігіт тележүргізуші Динара Сәтжанға сұхбат беріп, сталкинг құрбаны болғанын айтқан, – деп жазды Aikyn.kz.
Осы сұхбаттан кейін белгісіз біреулер сол сұхбаттың астына қоқан-лоқы көрсетіп, пікір қалдырыпты.
«Алла саған жазаңды берсін, жалғыз балаңның өлімін көресің, осыдан қара да тұр» делінген фейк-аккаунттан қалдырылған пікірде.
Дана Нұржігіт бұл пікір кибер-сталкингтің бір көрінісі екенін атап өтті.
«Қымбатты отандастар! Динара Сәтжанға берген сұхбаттан кейін жаңа ғана сол видеоның астына мынадай комментарий қалдырып кетіпті біреу. Менің ұлым мен маған қоқан-лоқы көрсетіпті. Мен жалғыз басты анамын. Балам кәмелет жасқа толмаған. Білесіздер. Бәрін көріп, біліп отырыңыздар! Кибер-сталкинг деген осы, міне!», – деп жазды Дана Нұржігіт.