23 қазанда Астана қаласында ҚАЗТЕСТ электронды сертификаттық тестілеуі басталды. Қазақстанда алғаш рет ҚАЗТЕСТ толықтай электронды форматта өткізіліп отыр, – деп жазды Aikyn.kz Ғылым және жоғары білім министрлігіне сілтеме жасап.
ҚАЗТЕСТ – электронды тестілеуі азаматтар үшін ыңғайлы және заманауи құрал. Ол ақпараттың ашықтығы мен қолжетімділігін қамтамасыз етеді және жаңа форматтың негізгі артықшылықтарының бірі.
App.testcenter.kz сайты арқылы өтініш берген азаматтар үшін тестілеу туралы барлық ақпарат (күні, уақыты және мекенжайы) жеке кабинетте қолжетімді. Астана тұрғындары үшін тестілеу нәтижелері жеке кабинетте 3 күн ішінде, ал басқа өңірлерде 15 күн ішінде қолжетімді болады. 2025 жылдан бастап электронды форматтағы тестілеу Қазақстанның басқа қалалары мен облыс орталықтарына кезең-кезеңмен енгізіледі.
2024 жылдың соңына дейін өңірлерде сертификаттық тестілеуі қағаз форматта жалғасады. Өңірлерде тестілеуге өтініш беру www.kazakhtest.kz сайты арқылы қолжетімді.
Естеріңізге сала кетсек, ҚАЗТЕСТ тестілеуін өткізудің жаңа қағидалары бекітілді. ҚАЗТЕСТ тестілеуін қағаз және электронды форматта тапсыруға болады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.