Елімізде тағы бір медициналық құжат цифрлық форматқа ауыcтырылды. Бұл туралы Денсаулық сақтау вице-министрі Ербол Оспанов мәлімдеді, – деп хабарлайды Aikyn.kz.
Вице-министрдің мәліметінше, 2025 жылдың 1 қаңтарынан бастап санитарлық сертификат тек электронды түрде берілетін болады.
– Медицина саласында көптеген медициналық анықтама мен құжат бар. Осыған байланысты азаматтар клиникаларда бірнеше сағат бойы кезекте тұруға көп уақыт жұмсауға мәжбүр. Сондықтан бұл құжаттарды цифрландыру өте маңызды, – деді вице-министр Орталық коммуникациялар қызметінде өткен брифингте.