Құр бекерге жатпайық,
Кел, жаңылтпаш
жаттайық!
Жаттағанға жаңылтпаш
«Үздік» деген ат лайық!
Кел, жаңылтпаш жаттайық!
***
Астана – менің жас қалам,
Жас қала – менің Астанам!
Астана – менің бас қалам,
Бас қала – менің Астанам!
Астана – менің Астанам!
***
Мединаның анасы – Марал,
Мадинаның анасы – Самал.
Адинаның анасы – Жамал,
Қалиманың анасы – Амал.
Марал – Мединаның анасы,
Самал – Мадинаның анасы.
Жамал – Адинаның анасы,
Амал – Қалиманың анасы.
Кім кімнің болды анасы,
Байқап бір өзің қарашы?
***
Тағатта сағат бар ма?
Таңатта сағат бар ма?
Тағатта сағат бар болса,
Тағат сағатын
Таңатқа берсін!
* * *
Қорғанбай қорғанды
қорғайды,
Қорғанбай қорғанды
қорғамаса,
Қорғанбайдан басқа
қорғанды кім қорғайды?
Асу, ашу, ас су, аз су:
Аз су, ас су, ашу, асу.
* * *
Түнім күнге,
Күнім түнге ауысты.
Түнім күнге,
Күнім түнге ауысқаны
жақсы ма?
Түнім түнге,
Күнім күнге ауысқаны
жақсы ма?