Семей қаласына келген 1949 жылы туған ОАР азаматы карантинге жатқызылған, - деп хабарлайды ШҚО әкімінің баспасөз қызметі.
Семей қаласында жұмыс істейтін азамат Дубай мен Нұр-Сұлтан арқылы транзитпен ШҚО-ға келген.
«Ол 12 наурыз күні ауырғанын айтады. Дене қызуы көтеріліп, тұмауратқан. Бекітілген іс-қимылдар алгоритміне сәйкес, Семей қаласының ЖМЖС науқасты инфекциялық стационарға қорғаныш костюмдері арқылы жеткізді. Қазір ол ауруханаға жатқызылған», - делінген хабарламада.
Науқасқа ЖРВИ, ауырлығы орташа деңгейдегі бронхит диагнозы қойылған. Қосымша диагноз: 2 типті қант диабеті, инсулинге тәуелділік.
Алдын алу мақсатында Сovid 2019-ға талдау алынған.
