24 желтоқсан күні Павлодар қаласындағы №2 орта мектепке «AMANAT» партиясының мүшелері – партияның Павлодар облыстық филиалының төрағасы және облыстық мәслихаттың төрағасы Илья Теренченко, партияның аймақтық филиалының атқарушы хатшысының міндетін атқарушы Айнұра Мұхамедиярова және Павлодар қалалық филиалының атқарушы хатшысы Сүлеймен Сыздықов келді.
Партияның «Кедергісіз келешек» және «Бақытты отбасы» жобаларын іске асыру аясында мекемеге спорттық құрал-жабдықтар мен инвентарь табысталды. Мұның мақсаты – білім беру ортасының спорттық құрамын қолдау және дамыту, оның ішінде ерекше қажеттіліктері бар оқушыларға бейімдеу.
№2 мектеп бірнеше жылдан бері инклюзивті ортаны дамытуға бағытталған жұмыстарды жүйелі түрде жүзеге асырып келеді. Қазіргі уақытта мектепте ерекше білім беру қажеттіліктері бар 11 бала үшін қолайлы жағдай жасалған. Оқу орнында инклюзия кабинеті жұмыс істейді, ол заманауи арнайы жабдықтармен, соның ішінде интерактивті экрандармен жабдықталған.
Сондай-ақ мекемеде ерекше пішінді үстелдер сияқты арнайы жиһаз бар, олар оқушылардың эмоциялық жағдайын бағалауға мүмкіндік береді. Балаларға психологиялық қолдау көрсету мақсатында «көңіл күй айнасы» орнатылған. Оқушылармен жұмыс барысында білікті мамандар – психологтер мен логопедтер тартылған. Олар оқушыларға оқу процесінде және әлеуметтік бейімделуде жеке көмек көрсетеді.
«AMANAT» партиясының өкілдері мектепті қолдау мәселелерін депутаттар корпусы, спорт федерациясы және жергілікті атқарушы органдармен бірлесіп жүзеге асыру аясында талқылады. Негізгі назар білім беру қолдауына, спорттық іс-шараларды ұйымдастыруға және кәсіби бағдар беру жұмыстарына аударылды. Атап айтқанда, мектеп жетістіктерінің бірі – ерекше қажеттіліктері бар балалар арасында танымал болған бочча ойынын сәтті өткізу.
Талқылау барысында болашаққа арналған жоспарлар белгіленді. Басым бағыттардың қатарында – ерекше қажеттіліктері бар балаларға арналған жаңажылдық шырша өткізу, спорттық бағытты одан әрі дамыту, сондай-ақ оқыту мен дамуға қолайлы жағдай жасау жұмыстарын жалғастыру бар.
Партияның «Кедергісіз келешек» және «Бақытты отбасы» жобаларын іске асыру аясында мекемеге спорттық құрал-жабдықтар мен инвентарь табысталды.
