ҚазАвтоЖол ауа райына байланысты бірқатар облыста жол жабылғанын мәлімдеді, - деп хабарлайды Aikyn.kz.
Қызылорда облысында көлік қозғалысына шектеу қойылды.
«2025 жылғы 21 қаңтар сағат 20:00-де ауа райының бұзылуына байланысты "Қызылорда-Павлодар" автожолының 12-216 шақырым аралығындағы учаскесінде (Қызылорда қаласынан Ұлытау облысының шекарасына дейін) көліктің барлық түрінің қозғалысына шектеу қойылады», - делінген хабарламада.
Жолды 22 қаңтар сағат 12:00-де ашу жоспарланған. Батыс Қазақстан облысында да көлік қозғалысына шектеу қойылды.
«2025 жылғы 21 қаңтар сағат 20:00-де ауа райының бұзылуына байланысты "Ақтөбе-Орал-РФ шекарасы" автожолының 394-526 шақырым аралығындағы учаскесінде (Жымпиты ауылынан Ақтөбе облысының шекарасына дейін) көліктің барлық түрінің қозғалысына шектеу қойылды», - делінген хабарламада.
Жолды 22 қаңтар сағат 12:00-де ашу жоспарланған. Сонымен қатар Абай облысында жол жабылды.
«2025 жылғы 21 қаңтар сағат 20:30-де ауа райының бұзылуына байланысты "Алматы-Талдықорған-Өскемен-Шемонаиха-РФ шекарасы" автожолының 971-1013 шақырым аралығындағы учаскесінде (Қалбатау ауылынан Шығыс Қазақстан облысының шекарасына дейін) көліктердің барлық түрінің қозғалысына шектеу қойылады», - делінген хабарламада.
Жолды 22 қаңтар сағат 12:00-де ашу жоспарланған. Шығыс Қазақстан облысында да көлік қозғалысы шектелді.
«2025 жылғы 21 қаңтар сағат 20:30-де ауа райының бұзылуына байланысты "Алматы-Талдықорған-Өскемен-Шемонаиха-РФ шекарасы" автожолының 1013-1048 шақырым аралығындағы учаскесінде (Абай облысының шекарасынан Ұлан ауылының бұрылысына дейін) көліктердің барлық түрінің қозғалысына шектеу қойылды», - делінген хабарламада.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.