Елордада «Отандастар қоры» жанындағы Қоғамдық комиссияның отырысы өтті. Басқосуға Президент Әкімшілігі мен Ақпарат және қоғамдық даму, Ауыл шаруашылығы, Мәдениет және спорт министрлігі өкілдері, облыс пен қала әкімдігінің жауапты басшылары қатысты. Жиында қандастарымызды елге қайтару, оларды баспанамен қамту мәселелері де айтылды. Ақмола облысының Красный Яр және Шығыс Қазақстан облысының Шығыс ауылдарында шетелден көшіп келген қандастарымыздың үй-жай мәселесі де әлі күнге шешімін таппай отыр. Қандастарымызға оқулық жетіспеушілігі тағы бар. Қоғамдық комиссия мүшелерін толғандырған негізгі мәселелердің бірі – осы.
Ақмола облысының Красный Яр және Шығыс Қазақстан облысының Шығыс ауылдарында шетелден көшіп келген қандастарымызға арналған үй-жай мәселесі әлі өзекті болып отыр. Қандастарды оқулық, көркем әдебиетпен қамтамасыз ету жайы да толық шешілмеген.
Жиында қоғамдық комиссия мүшелері мәселенің шешу жолдарын талқылап, өз пікірін білдірді.
– Былтыр қараша айында Ақмола облысы Красный Яр ауылына іссапармен барған болатынбыз. Сол кезде көшіп келген қандастарымызға жеңілдікпен берілген үйлердің жағдайын көрдік. Дегенмен көңіл толмады, үйлер сапасыз, қабырғалары жұқа. Тіпті, іргетасы құйылмаған, едендеріне қара қағаз төсей салған. 2009 жылы салынған үйлер екен. Біздің қайран қалғанымыз, сапасыз салынған бір үйге 59 мың доллардан жұмсаған екен. Есептесек, бұл ақшаға зәулім үйлер салуға болады. Бірақ жауапты тұлғалар сапасыз үйлерді неге қабылдағаны түсініксіз. Яғни, ақша талан-таражға түскен. Осыны айтып, Үкіметпен ақылдасып жатырмыз. Қандастар мәселесіне бұлай бейжай қарауға болмайды, – деді Парламент Сенатының Әлеуметтік-мәдени даму және ғылым комитетінің төрағасы Мұрат Бақтиярұлы.
Облыс пен қала басшыларының мәселеге қатысты жауабы тыңдалғаннан кейін қабылданған шешімдер Үкімет жанындағы Шетелдегі отандастармен мәдени-гуманитарлық байланыстарды дамыту жөніндегі ведомствоаралық комиссияның қарауына жіберілді.
Мадияр ТӨЛЕУ
– Былтыр қараша айында Ақмола облысы Красный Яр ауылына іссапармен барған болатынбыз. Сол кезде көшіп келген қандастарымызға жеңілдікпен берілген үйлердің жағдайын көрдік. Дегенмен көңіл толмады, үйлер сапасыз, қабырғалары жұқа. Тіпті, іргетасы құйылмаған, едендеріне қара қағаз төсей салған. 2009 жылы салынған үйлер екен. Біздің қайран қалғанымыз, сапасыз салынған бір үйге 59 мың доллардан жұмсаған екен. Есептесек, бұл ақшаға зәулім үйлер салуға болады. Бірақ жауапты тұлғалар сапасыз үйлерді неге қабылдағаны түсініксіз. Яғни, ақша талан-таражға түскен. Осыны айтып, Үкіметпен ақылдасып жатырмыз. Қандастар мәселесіне бұлай бейжай қарауға болмайды, – деді Парламент Сенатының Әлеуметтік-мәдени даму және ғылым комитетінің төрағасы Мұрат Бақтиярұлы.
Облыс пен қала басшыларының мәселеге қатысты жауабы тыңдалғаннан кейін қабылданған шешімдер Үкімет жанындағы Шетелдегі отандастармен мәдени-гуманитарлық байланыстарды дамыту жөніндегі ведомствоаралық комиссияның қарауына жіберілді.
Мадияр ТӨЛЕУ
