"ҚазМұнайГаздың" 32 қызметкері карантинде жатыр.
"ҚазМұнайГаздың" ресми хабарламасында 32 адамның екеуі Атырау мен Павлодарда стационарлық бақылауда екені айтылды. Қалған 30 қызметкер үй карантинінде, Нұр-Сұлтан, Алматы, Ақтау, Ақтөбе, Атырау, Павлодар және Шымкентте болады.
"ҚазМұнайГаздың" барлық қызметкерлері шет елдерден келіп, бірден карантинге жатқызылған. Компанияның 8 қызметкері (орталық аппараттың 2 қызметкері және еншілес компаниялардың 6 қызметкері) екі апта оқшауланып, қазіргі уақытта карантиннен шықты, тест нәтижесі коронавирусты анықтаған жоқ. 24 наурыздағы жағдай бойынша, ҚМГ қызметкерлері арасында коронавирус инфекциясын жұқтырған адам тіркелген жоқ", - деп хабарлады компаниядан.
Еске салайық, бұған дейін "ҚазМұнайГаздың" екі қызметкері коронавирусқа күдікті болғаны хабарланған болатын.
"ҚазМұнайГаздың" 32 қызметкері карантинде жатыр
