Бұл туралы Қоғамдық денсаулық сақтау басқармасының басшысы Сәуле Қисықова мәлімдеді.
"Нұр-Сұлтан қаласында коронавирус жұқтырған 61 науқастың ішінде 4 адамның жағдайы тұрақты ауыр деңгейде. Олардан пневмония, тыныс алудың жетіспеушілігі анықталды. Науқастарға коронавирусты емдеу протоколына сәйкес ем жүргізілуде. Басқа науқастардың денсаулығы қанағаттанарлық деңгейде", - деді ол.
Еске сала кетейік, бүгін Қазақстанда коронавирус жұқтырғандар саны 109 адамға жетті.
