Қазақстанда 65 жастан асқан адамдарға көшеге шығуға шектеу қойылды.
Қазақстандықтардың арасында коронавирус инфекциясының алдын алу мақсатында бас санитар дәрігердің қаулысында 65 жастан асқан қазақстандықтарға көшеге шығуға шектеу қойып, оларға азық-түлік пен дәрі-дәрмектерді жеткізілетіні туралы айтылады.
Мұның алдында Нұр-Сұлтан және Алматыда 30 наурыздан бастап кәсіпорындардың жұмысы уақытша тоқтатылатыны хабарланған болатын.
"Мемлекеттік комиссия коронавирустық инфекцияның таралуын шектеу мақсатында Нұр-Сұлтан және Алматы қалаларында биылғы 30 наурыз бен 5 сәуір аралығында орталық мемлекеттік органдар, әкімдіктер, құқық қорғау органдары, денсаулық сақтау ұйымдары, БАҚ, азық-түлік дүкендері, дәріханалар мен тіршілікті қамтамасыз ету ұйымдарын қоспағанда, меншік түріне қарамастан барлық кәсіпорындар мен ұйымдардың жұмысын уақытша тоқтату туралы шешімді бекітті. Толық тізім қалалардың әкімдіктерімен келісе отырып анықталады", - делінген еді хабарламада.
