– Пәтерде терезенің жанында диван тұрған. Сол арқылы бала терезеге оңай көтерілген. Москит торы бала салмағын көтере алмаған, осылайша төменге құлап кеткен. Абырой болғанда астынғы қабаттағы дүкеннің күнқағарына құлап түскен бала аман, қазір ауруханада жатыр, – деді баспасөз қызметіндегілер. Бұл – облыстағы биылғы жылғы алғашқы оқыс жағдай. Ал еліміз бойынша жыл басынан бері 21 бала терезеден құлап кеткен. Сондықтан құтқарушылар кішкентай балалары бар пәтерлер тұрғындарына арнайы терезе құлыптары мен темір тор орнатуға, жиһаздарды терезе маңынан алысырақ қоюға шақыруда.30 мамыр күні Алтай қаласында бір жарым жасар сәби үшінші қабаттан дүкеннің маңдайшасына құлап кеткен.
Дәурен Аллабергенұлы, Шығыс Қазақстан облысы