Автокөліктің төбесінде отырған екі жігіттің видеосы vastane.kz әлеуметтік желісінде жарияланған еді.
Көліктің төбесінде екі жас жігітті алып жүрген жүргізуші де, екі «каскадер» де әкімшілік заңның бірнеше бабы бойынша жауапкершілікке тартылды.
Оқиға 28 маусым күні болған. 30 жастағы астаналық жігіт Honda CRV маркалы көлігімен Бейбітшілік көшесін кесіп өткен. Сол жерде екі танысы көліктің төбесінде отырған екен.
Жүргізушіге 10 (он) айлық есептік көрсеткіш мөлшерінде әкімшілік айыппұл салынды. Көліктің төбесінде отырған тәртіп бұзушылар да әкімшілік жауапкершілікке тартылды.
