Қазақстанда мейрамханалар мен қоғамдық тамақтану орындарын жалға алу бағасы бір жыл ішінде едәуір төмендеді.
Биыл маусым айында energyprom.kz-тің жазуынша, коммерциялық жылжымайтын мүлікті жалға беру құны былтырғы осы кезеңмен салыстырғанда 2,8% арзандады.
Әсіресе, Ақмола (-8,4%), Атырау (-8,2%), Маңғыстау (-6,3%), Ақтөбе (-6,1%) және Шығыс Қазақстан (-5,6%) облыстарында байқалады.
Сонымен қатар тек үш облыста баға өскен. Осылайша, жалға алу құны Батыс Қазақстан (+1,1%), Түркістан (+0,8) және Қызылорда (+0,1%) облыстарында өсті.
Мейрамханалар мен тамақтану орындарын жалға алу бағасы бір жыл ішінде 6,8% төмендеді. Биылғы маусым айында мейрамханаларды жалға алу құны бір шаршы метр үшін – 2432 теңге, дәмханалар – 4152 теңге, асханалар – 1866 теңге.
