Балабақшаға жас өскіндердің эмоционалды, әлеуметтік дамуына қолайлы жағдай жасау және олардың жағымды жеке қасиеттерін қалыптастыру үшін арнайы жұмсақ доптар мен фитнес шарлар, ірі конструкторлар, ойыншық көліктер мен екіжақты магнитті тақталар табысталды. Қайырымдылықтың басты мақсаты – ерекше балаларды күнделікті психологиялық жаттығулар мен бала денсаулығына қажетті ойыншықтармен қамтамасыз ету. Аталған игі іске кәсіпкердің жеке қаражатынан 200 000 теңге бөлінді.
«Біздің балабақшаға қажет сұранысымызды елеусіз қалдырмай, арнайы келгендеріңіз үшін алғысымызды айтамыз. Біз үшін, біздің балаларымыз үшін бұл ерекше қолдау. Енді бүлдіршіндеріміздің уақытын тиімді және көңілді өткізуіне жақсы мүмкіндік туып тұр», – деген №2 балабақша меңгерушісі Гүлнар Ахметжанқызы осы шараны ұйымдастырушылар мен қолдаушыларға өз ризашылығын білдірді.
