Атыраудан үш бағытқа қатынайтын жолаушылар пойызы жүрмейді. Бұл туралы Атырау облысының бас мемлекеттік санитарлық дәрігері Қанат Ғайнеденовтің жаңа қаулысында айтылды.
«Нұр-Сұлтан, Алматы қалалары, Ақтөбе және Маңғыстау облыстары бағыттары бойынша жолаушылар темір жол тасымалдары тоқтатылсын» -делінген бас санитарлық дәрігердің қаулысында.
Сондай-ақ, қаулыға сәйкес, діни орындар қызметіне (мешіт, шіркеу, ғибадатхана, синагог және т.б) тыйым салынған.
Еске сала кетелік, бұған дейін Атырау облысында шектеу шаралары 31 тамызға дейін ұзартылған еді.
