Қаржы мониторингі комитетінің Шымкент қаласы бойынша Экономикалық тергеу департаменті қызметкерлері жүргізген жедел-іздестіру іс-шарасы нәтижесінде қала аумағында бір топ азаматтың алдын-ала сөз байласып, аса ірі көлемде іс жүзінде жұмысты орындамай, қызмет көрсетпей, тауарларды тиеп-жөнелтпей шот-фактура жазумен айналысқаны анықталды.
Атап айтқанда, алдын-ала сөз байласқан 4 азамат 615 млн теңгені құрайтын жалған шот-фактураларды жазу үшін 40 млн теңге, яғни жалпы соманың 6,5%-ын сыйақы ретінде алу үстінде ұсталды.
Шымкент қаласы Абай аудандық сотының үкімімен айыпталушылар ҚР ҚК 216 бабының 3-б. сәйкес кінәлі деп танылып, оларға 3 жыл мерзімге шартты түрде бас бостандығынан айыру жазасы тағайындалды.
