Еуразия экономикалыұ одағы аясында тауар тасымалдау үшін толтырылатын ілеспе құжаттарды енді үйде отырып ресімдеуге болады. 2020 жылғы 1 қарашадан бастап тауарларға ілеспе жүкқұжаттарды ресімдеу жөніндегі пилоттық жоба іске қосылмақ.
Жаңа жұмыс жүйесі бойынша ТІЖ ресімдеу Қазақстан Республикасының Мемлекеттік шекарасын ЕАЭО елдерімен өткенге дейін қажет. Сондай-ақ, пилоттық жоба шеңберінде ЕАЭО елдерімен өзара саудада экспорт және импорт операцияларды жүзеге асыру кезінде ТІЖ ресімдеу көзделген.
Ресімделген ТІЖ-і бар автомобильдерден өткізу пункттерінде тауарға ілеспе құжаттарды сканерлеу талап етілмейді. Осылайша ЕАЭО елдерімен мемлекеттік шекарадан өту процесін жеделдетеді.
Жалпы, пилоттық жоба 2021 жылғы 1 наурыздан бастап ТІЖ міндетті енгізуге «жұмсақ» көшу үшін жүзеге асырылатын болады. Пилотты жүргізу кезінде әкімшілік жауапкершілік шаралары қолданылмайды. Пилоттық жоба салық төлеушілерге ТІЖ-мен жұмыс істеуге бейімделуге, олардың есеп жүйелерін және сатып алушылармен, жеткізушілермен өзара әрекеттесуді орнатуға арналған.
ТІЖ ресімдеу үшін Халыққа қызмет көрсету орталықтарынан алынған ЭЦҚ көмегімен электрондық шот-фактуралардың ақпараттық жүйесін пайдалану туралы келісімге қол қою арқылы ЭШФ АЖ-да тіркелу қажет. ЭШФ АЖ-да тіркелу және жұмыс істеу тегін.
Тұмар МЫРЗА
