NASA жоспарларына сәйкес Марсқа алғашқы басқарылатын рейстер 2030 жылдардың ортасында болуы мүмкін.
«Мұз табылған Марстың солтүстік аудандары осы планетада алғашқы адам қонысын орналастыру үшін ең қолайлы орын болар еді», – дейді американдық кәсіпкер Илон Маск. Бұл туралы Aikyn.kz порталы ТААС-қа сілтеме жасай отырып хабарлайды.
Оның айтуынша, алғашқы марсиандықтар мұз бар жерлерді таңдауы керек, өйткені бұл материалды оттегі мен қуат алу үшін қайта өңдеуге болады. Сонымен қатар, қызыл планетаның солтүстік ендіктерінде ғарыш аппараттарын отырғызу оңайырақ.
Маск Марсқа ұшатын экспедиция мүшелері үшін ең басты міндет зымыран отынын өндіруге арналған қуаттарды құру, сондай-ақ байланыс жүйесін құру болатынын атап өтті.
SpaceX басшысы Жер мен Марс арасындағы байланысты жер орбитасында қуатты лазерлер қамтамасыз етуі мүмкін деп болжады.
Сондай-ақ, Марстағы алғашқы миссияның болашақ жұмысын сипаттай отырып, Маск қызыл планетада елді мекен құру кезінде ізашарлар жер астына туннельдер салуға мәжбүр болу мүмкіндігін жоққа шығармады, бірақ сонымен бірге мұндай жұмыстарға жарамды техника қазіргі қолданыстағыларға қарағанда әлдеқайда кішкентай болуы керек екенін баса айтты.
