Дмитрий Медведев Елбасыны Қазақстан Республикасы Парламенті Мәжілісі депутаттарының кезекті сайлауында Nur Otan партиясының айқын жеңіске жетуімен құттықтады. Бұл туралы elbasy.kz жазды.
Сондай-ақ ол дауыс беру нәтижелері жалпыұлттық сенімді және партияның елді өркендетуге бағытталған стратегиялық бағдарын қолдайтынын көрсеткенін атап өтті.
Нұрсұлтан Назарбаев Дмитрий Медведевке жылы лебізі үшін ризашылығын білдірді.
Қазақстан – Ресей стратегиялық және одақтастық қатынастарының рухы мен мазмұнына сай келетін Nur Otan мен «Единая Россия» партияларының арасындағы ынтымақтастық жоғары деңгейде екеніне тоқталды.
Тараптар алдағы уақытта да екі елдің басты партиялары арасындағы өзара іс-қимылды одан әрі тереңдету және кеңейту жөнінде пікір білдірді.
