Синоптиктер 14 ақпанда ауа райының нашарлайтыны туралы хабарлады. Бұл күні көптеген аймақтарда боран мен көктайғақ болуы мүмкін.
"Қазгидромет" РМК мәліметінше, 14 ақпанда Атырау облысында тұман және көктайғақ болады. Күндіз оңтүстік-батыстан секундына 15-20 метр жылдамдықпен жел соғады. Синоптиктер Батыс Қазақстан облысының кейбір аудандарында бұрқасын, тұман және көктайғақ болады деп болжайды. Оңтүстік-батыстан соққан жел секундына 20 метрге дейін күшейеді. Қостанай облысында да ауа райы осындай болады.
Ақмола облысында ауа райы тұманды болады. Күндіз кей жерлерде көктайғақ, оңтүстік-батыстан, оңтүстіктен секундына 15-20 метр болатын жел соғады.
"Қазгидрометтің" мәліметінше, 14 ақпанда Солтүстік Қазақстан облысында, Петропавлда тұман түседі. Күндіз кей жерлерде көктайғақ және жаяу бұрқасын болады. Күндіз кей жерлерде секундына 15-20 метр жылдамдықпен жел соғады.
Қызылорда облысында тұман түседі. Түнде Шығыс және оңтүстік-шығыстан соққан желдің жылдамдығы секундына 20 метрге жетеді.
Болжамға сәйкес 14 ақпанда Қарағанды облысының көптеген ауданында тұман түседі. Оңтүстік-шығыстан жел соғады.
