Жеңімпазды кәсіпкер Жәмиля Эрназарова Instagram-да тікелей эфирде анықтады.
«Бұл жолы 1 млн теңге ұтыстың жеңімпазы ретінде Белоконь Иван Петрович шықты. Ереже бойынша жеңімпаз 15-20 минуттың ішінде Жеңіс алаңы, 25 мекенжайы бойынша орналасқан «Алтын» бизнес орталығына жетуі тиіс еді. Ұтысқа барлығы бес мыңнан астам адам қатысты», – деді Жәмиля Эрназарова.
Алайда алғашқы жеңімпазға үш рет қоңырау шалғанмен, ер адам бүгін келе алмайтынын айтты. Осылайша, 1 млн теңге «Крендель» ЖШС-де жұмыс істейтін 22 жастағы кондитер Помазкина Марина Юрьевнаға бұйырды.
Ол «СпутникV» вакцинасының 1-компонентін 16 шілде күні алған.
«Бұл – мен үшін күтпеген жайт. Жұмыс істеп жатыр едім. Мұндай сыйлық үшін рақмет», – деді Марина Помазкина.
Ақшалай сыйлық берілетін ойынға вакцинаның бірінші компонентін қабылдағандар қатысты.
