Бүгін - 2001 жылы 11 қыркүйекте Нью-Йорк қаласында болған террорлық актіден қаза тапқандарды еске алу күні. Осыған орай, Мемлекет басшысы Қасым-Жомарт Тоқаев Қазақстанның терроризмге қарсы күрес жөніндегі жаһандық іс-қимылдарды қолдайтынын нақтылады, — деп хабарлайды Sputnik Қазақстан.
"Бүгін біз де бүкіл әлемді дүр сілкіндірген АҚШ тарихындағы ең қаралы күндердің бірі – 2001 жылдың 11 қыркүйегіндегі террорлық акт құрбандарын еске аламыз. Жалпы адамзатқа қарсы жасалған осы жантүршігерлік оқиға бүкіл әлемдегі миллиондаған адамдардың жадында берік сақталған", – деп жазды Мемлекет басшысы өзінің Twitter парақшасында.Сонымен қатар Мемлекет басшысы Қазақстан әлемдік қоғамдастықтың терроризмге қарсы іс-қимылдарын түбегейлі қолдайтынын атап өтті. Ол қауіпсіздік пен тұрақтылықты қамтамасыз ету – Қазақстан стратегиясының және АҚШ-пен стратегиялық серіктестігіміздің негізгі ұстанымы екенін айтты.
Kazakhstan stands firmly alongside the international community in countering terrorism. Promotion of security and stability has always been at the core of Kazakhstan’s strategy and its strategic partnership with US.
— Qasym-Jomart Toqayev (@TokayevKZ) September 11, 2021