«NurOtan» партиясы Павлодар облыстық филиалының Өңірлік даму жөніндегі қоғамдық кеңесі бекітілген индикаторларға қол жеткізу, шетелдің қатысуымен қолға алынған инвестициялық жобаларды бағалау, инвесторлар үшін қолайлы жағдай жасау мәселелерін тұрақты қадағалап отырады.
Партияның облыстық филиалы төрағасының бірінші орынбасары Илья Теренченко, кеңес төрағасы Динара Айтжанова, кеңес мүшелері, Кәсіпкерлік және индустриялық-инновациялық даму басқармасының өкілдері Павлодар қаласының АЭА-ға (арнайы экономикалық аймақ) барып, Kazsenospheres ЖШС жұмысымен танысты.
– Кәсіпорын көмірді жаққаннан кейін пайда болатын қалдықтардан бағалы материал өндіреді. Kazsenospheres табысты коммерциялық жоба ғана емес, сонымен қатар экологиялық жоба, – деп мәлімдеді кәсіпорын директоры Абай Қайыржанов.
Депутаттар мен кеңес мүшелерін инвесторлардың мемлекеттік органдармен арада орнатқан өзара іс-қимыл мәселелері қызықтырды. Инвесторларды мұнда қолайлы инвестициялық және серіктестік ахуал, шетелдік үшін берілетін елеулі преференциялар жиынтығы және зауыт салу мүмкіндігі қызықтырған. Өндірісті құрушы компания тегін жер алып, 2036 жылға дейін КТС-тан босату, нөлдік ҚҚС және шетелден жабдықтар мен тауарларды бажсыз әкелу құқығын иеленді.
Мемлекеттік органдардың қолдауымен жобаның барлық қатысушысы мен инвесторларының күш-жігері оны қысқа мерзімде іске асыруға мүмкіндік берді. Коронавирус бойынша шектеулерге қарамастан, өндіріс құрылысы 1 жылға жетпей аяқталды. Жабдықтар Ресейден, Словениядан және Германиядан жабдықтар әкелінді, ал өндірістік циклді реттеуге ТМД елдерінің ғалымдары қатысты.
