«Nur Otan» партиясы Шығыс Қазақстан облыстық филиалының төрағасы, аймақ басшысы Даниал Ахметовтің қатысуымен саяси кеңестің отырысы өтті. Партия мүшелері жиынға эпидемиологиялық жағдайға байланысты Zoom платформасы арқылы қатысты.
Биыл 11 қаңтарда Президент Қасым-Жомарт Тоқаев ел Үкіметі алдына маңызды міндеттер жүктеген болатын. Аймақ басшысы Даниал Ахметов өз сөзінде «елде болған соңғы оқиғалар біздің жұмылған жұдырықтай бірігіп, нәтижелі әрі жүйелі жұмыс істей алатынымызды тағы бір мәрте көрсетті» деді.
Өңір басшысы белсенді қызмет пен саяси-әлеуметтік мәселелерге бейжай қарамай, асқан жауапкершілік танытқан партия мүшелеріне алғыс білдірді. Сондай-ақ облысқа қарасты елді мекендерді дамытуға арналған бағдарламалар бекітілгенін де жеткізді. Алда тұрған ендігі мақсат – сол бастамаларды жемісті жүзеге асыру.
