Президенттікке кандидат Қарақат Әбден елордада ұлттық киім тігетін және қолөнер бұйымдарын жасайтын кәсіпкерлермен жүздесті.
Жүздесу аясында өзінің сайлауалды тұғырнамасымен таныстырып, шеберлер қойған сауалдарға жауап берді.
-Қуантарлығы, қазір түрлі салада дизайнмен айналысатын өз шеберлеріміз ұлттық нақышқа, ою-өрнекке ерекше ден қойып келеді, - дейді Қарақат Әбден.
Сұрақ-жауап ретінде жақсы отырыста шеберлер өзекті мәселелерді қозғап, шешімін таба алды.
-Ұлттық киім, ұлттық қолөнер – ол қазақтың бетпердесі. Қазақтың ұлттық киімдері, әшекейлері, бұйымдары барлығы маған өте жақын тақырып. Себебі біз сол бағытта жұмыс істейміз. Өзіміздің ойымызбен бөлістік. Проблемаларды көтердік, - деді Тоқыма мектебінің өкілі Ләйлім Лаврқызы.
