Жаңаөзен көпбейінді қалалық ауруханасында құны 200 млн теңге тұратын SIEMENS ангиограф аппаратымен науқастарға тегін ота жасалуда. Бұл жаңа медициналық құрылғы асқынған коронарлық синдромды анықтап, миокардия инфаркт, жүрек қан тамырларына ота жасауға мүмкіндік береді.
Агиограф арқылы жыл басынан бері 55 коронографиялық зерттеу, 27 науқастың жүрегіне күрделі ота, 2 аритмологиялық ота, 3 науқастың ми тамырына ота жасалған.
«Жоғары технологиялық медициналық көмек алу үшін біз бұрын науқастарымызды ота жасатуға жолдамамен Ақтау, Алматы, Нұр-Сұлтан қалаларына жіберетін едік. Мұндай операциялар өте қымбат тұрады. Енді мұндай күрделі ота өзімізде жасалып отыр. Қаңтар айынан бастап міндетті әлеуметтік сақтандырудан өттік, сондықтан бұл оталар тегін жүргізіліп жатыр», – дейді аурухананың бас дәрігері Мұрат Сарыев.
Соңғы үлгідегі көпфункционалдық аппаратпен дәрігерлер күніне 4-5 адамды қабылдап отыр. Замануи жабдықтың «тілін» білетін арнайы маманды Ақтау қаласынан алдырған. Кардиохирург Қобылан Жариев – Алматы және Ақтау қаласындағы ауруханаларда қызмет еткен, он екі жылдық еңбек өтілі бар жас маман.
Қобылан Маратұлының кезекті науқасқа коронографиялық зерттеу жасау сәтіне куә болған журналистер монитордан оның қалай өтіп жатқанын көре алды. Бұл науқас жүрегі ауырып емханаға қаралу нәтижесінде оған жүрек миокардиясы диагнозы қойылған. Жүрек қан тамыры тарылғандықтан ол кісіге жедел түрде коронографиялық зерттеу жасалу үшін ауруханаға жіберілген.
«Біз ангиограф арқылы ол кісінің жүрек қан тамырларын қараймыз. Бұл 7-10 минутқа созылады. Егер қан тамырынан өзгерістер байқаса, онда стенд қоямыз. Стенд – жүрек тамырының ішіне қойылатын имплант, қанның ағысын қалпына келтіру үшін қойылады. Бұл тамырды кеңейтеді. Стенд қою отасы 1 сағатқа созылады. Көбінесе коронографиядан өткен науқастардың 70-80 пайызына стенд қоямыз. Одан бөлек шунттау отасы да жасалады», –дейді Қобылан Жариев.
Сондай-ақ кардиохирург 150 мың халық тұратын Жаңаөзен қаласында екі айдың ішінде 55 адамға коронографиялық зерттеу жасалған болса, бұл осы өңірдегі қан тамыр ауруының көрсеткіші жоғары екендігін білдіретіндігін айтып өтті.
Анаргүл ЖЕКСЕМБАЙҚЫЗЫ,Маңғыстау облысы
Қобылан Маратұлының кезекті науқасқа коронографиялық зерттеу жасау сәтіне куә болған журналистер монитордан оның қалай өтіп жатқанын көре алды. Бұл науқас жүрегі ауырып емханаға қаралу нәтижесінде оған жүрек миокардиясы диагнозы қойылған. Жүрек қан тамыры тарылғандықтан ол кісіге жедел түрде коронографиялық зерттеу жасалу үшін ауруханаға жіберілген.
«Біз ангиограф арқылы ол кісінің жүрек қан тамырларын қараймыз. Бұл 7-10 минутқа созылады. Егер қан тамырынан өзгерістер байқаса, онда стенд қоямыз. Стенд – жүрек тамырының ішіне қойылатын имплант, қанның ағысын қалпына келтіру үшін қойылады. Бұл тамырды кеңейтеді. Стенд қою отасы 1 сағатқа созылады. Көбінесе коронографиядан өткен науқастардың 70-80 пайызына стенд қоямыз. Одан бөлек шунттау отасы да жасалады», –дейді Қобылан Жариев.
Сондай-ақ кардиохирург 150 мың халық тұратын Жаңаөзен қаласында екі айдың ішінде 55 адамға коронографиялық зерттеу жасалған болса, бұл осы өңірдегі қан тамыр ауруының көрсеткіші жоғары екендігін білдіретіндігін айтып өтті.
Анаргүл ЖЕКСЕМБАЙҚЫЗЫ,
Маңғыстау облысы
