«Қазгидромет» бүгін ауа райына байланысты өңірлерде ескерту жариялады, – деп хабарлайды Aikyn.kz.
Астана қаласында түнде және таңертең бұрқасын күтіледі. Солтүстік-шығыстан соғатын жел солтүстік-батысқа ауысып, түнде және таңертең екпіні – 15-20 м/с болады.
Алматы облысының оңтүстігі мен шығысында нөсер жаңбыр болады. Таулы аудандарда кей уақытта жаңбыр мен қар жауады. Күндіз облыстың оңтүстігінде, таулы аудандарында найзағай ойнап, бұршақ жауады. Желдің күші кей уақытта 24-29 м/с-ке жетеді.
Алматы қаласында оңтүстік-батыстан жел соғады, күндіз екпіні – 15-20 м/с.
Ұлытау облысының солтүстігі мен шығысында жаяу бұрқасын, көктайғақ, батысында тұман күтіледі. Желдің екпіні түнде облыстың басым бөлігінде, күндіз батысы мен солтүстігінде – 15-20 м/с.
Қызылорда облысының солтүстігі мен орталығында шаңды дауыл тұрады. Жел солтүстік-батыстан, солтүстіктен соғады, күші 25 м/с артуы ықтимал. Түнде облыстың солтүстігінде, орталығында 3 градус үсік күтіледі.
Түнде Қарағанды облысының солтүстігінде қатты жауын-шашын (жаңбыр, қар) болады. Өңірдің солтүстігі мен шығысында жаяу бұрқасын, көктайғақ күтіледі. Облыстың басым бөлігінде желдің екпіні 15-20 м/с болады, оңтүстік пен шығыста 23-28 м/с-ке жетуі мүмкін.
Жетісу облысының оңтүстігі мен шығысында қатты жаңбыр жауады. Таулы аудандарда кей уақытта нөсер жауын-шашын күтіледі. Күндіз оңтүстікте, таулы аудандарда найзағай, бұршақ болжанады. Желдің жылдамдығы кей уақыттарда 23-28 м/с артады.
Абай облысында жауын-шашын, түнде облыстың солтүстігінде жаңбырдың соңы қарға ұласады. Облыстың солтүстігі мен шығысында көктайғақ болады. Желдің екпіні 23-28 м/с күшейеді.
Таңертен және күндіз Павлодар облысының солтүстігінде солтүстік-батыстан жел соғады, екпіні – 15-20 м/с.
Шығыс Қазақстан облысынның солтүстігі мен шығысында жаңбыр, қар күтіледі. Облыстың солтүстігінде көктайғақ болады. Желдің екпіні 23-28 м/с артуы мүмкін.
Түнде Ақтөбе облысының оңтүстік-шығысында жаяу бұрқасын соғады. Солтүстік-батыстан жел соғады, түнде облыстың оңтүстігінде, шығысында екпіні 15-20 м/с құрайды.
Түнде Батыс Қазақстан облысының солтүстігінде 3 градус үсік күтіледі.
Түнде Қостанай облысының оңтүстігінде жаяу бұрқасын, көктайғақ болады. Облыстың батысы мен солтүстігінде тұман күтіледі. Желдің екпіні – 15-20 м/с.
Түнде Солтүстік Қазақстан облысының батысында, солтүстігінде, шығысында солтүстіктен жел соғады, екпіні 15-20 м/с-ті құрайды. Екпіні 23-28 м/с-ке артуы ықтимал.
Ақмола облысының оңтүстік жартысында бұрқасын, көктайғақ күтіледі. Солтүстік-шығыстан соғатын жел солтүстік-батысқа ауысады, облыстың оңтүстігінде, солтүстігінде, шығысында екпіні – 15-20 м/с.